芬蘭滑雪/ Snow Village / 雪地電單車 / 鹿車北極光 / 玻璃屋 / 北極光8日之旅 | 我想去旅行 I want to TRAVEL by iwanttotravel.cc

由Levi 開車去 Kakslauttanen 玻璃屋酒店要差不多3個鐘. 條路就一般好揸, 因為主要都係單界線行車, 要比較專心, 建議帶飲料和食物上車就可以更快, 因為沿途都無咩可以買. Google Map 路線

沿途係有啲小意外, 就係開咗去一個未剷雪嘅地方, 結果就要call Levi Service(超好超快, 20分鐘到, 2個人幫手, 5分鐘推返出來, 最緊要係唔收錢的,想俾錢佢都唔收)

3小時嘅車程途經雪地, 雪森林, 同都係雪….[sc:Credit_Card ]
終於去到Kakslauttanen 啦, 入口唔算難搵!
今次安排住2晚, 頭一晚住木屋 (房型: 4P Small cabin) , 第2晚就係住玻璃屋 (房型:Small Glass igloo).
~介紹下間 4P Small cabin
呢種木屋房可容納1到10人不等。木屋取材自凱洛松木，凱洛是拉普蘭特有的松木，其特性是堅固耐寒，特別適合營造原始粗獷的氛圍，使木屋與周圍的原野相得益彰。盡管房間內沒有寬屏電視或洗碗機，但您卻能在木屋中享受獨立的壁爐和桑拿浴。目前，酒店又新建了四人和六人木屋，每間木屋都附帶桑拿房。六人木屋內有兩間獨立的臥室，每間都帶有浴室。
怕無事做嘅朋友, 可以嘗試 SNOW VOLLEYBALL 非常好玩, 之於當晚有無北極光, 我係見到微弱嘅光, 但相機係影唔到.
參觀酒店, 呢一間係SNOW HOTEL, 但得幾間唔多, 不過設計同環境都好一般.[sc:Credit_Card ]
呢間係Chapel, 可以安排婚禮. ~第2晚就係住玻璃屋 (房型:Small Glass igloo)
我個人認為住呢一間房係要講運氣, 點解? 首先訂到房已經係奇蹟(好在識得酒店嘅人), 再講駕車搵玻璃屋都係好痳煩, 因為個reception凈係同我講大馬路轉左第一個入口轉左, 我去咗個森林!!(最後都係park返酒店門口,拎住行李去揾房). 最後搵到間房時, 就係睇天氣啦, 我入到房就XXYZ, 成個屋頂都係雪, 心裡即刻唱起~又見雪飄過, 飄於傷心記憶中~ 成晚就係咁渡過咗!!
溫馨提示: 落雪即係無北極光睇, 因為有雲擋住. 所以繼續唱歌啦!

由於房內係沒有淋浴設備, 要步行5分鐘到公共淋浴間, 呢到有SAUNA, 都唔錯嘅, 最緊要係唔洗運氣!!

當晚我地參加咗 Reindeer Aurora Hunting (95€一個)酒店幫手BOOK嘅, 坐住馴鹿嚮森林內穿梭追極光係好凍嘅, 因為有風同時間長(坐咗大約1個鐘), 但一定係一個一世難忘嘅trip. 至於睇北極光, 今晚都係得啲雪, 所以我又唱起歌了~~~[sc:Credit_Card ]