試幻想一下，若然响藍天白雲底下，被一大片橙色的金針花海環抱，係一件幾咁美滿的事呢！而家可以喇，事關位於台灣花蓮縣的六十石山金針花海已經開始開花，整片綠悠悠的草地上開滿大大朵嘅金針花，置身花海真係可以將平時悶氣都一掃而空，响 9 月底前會去台灣的話，記得唔好錯過！
藍天白雲加金針花海再加花東縱谷景色，想睇到呢個 360 度一覽無遺的風景，咁就要上到花海頂部「忘憂亭」喇。
冇錯！呢啲金針花就係大家平時食「金針雲耳蒸雞」入面嗰啲金針，只係食用的「金針」是在花苞盛開前就已採收，然後加工而成。
面積達 63.15 公頃的「六十石山金針花季」而每年的8月底至9月底，大慨１個月期亦係賞花最好時機。
盛開時間極短，所以金針花又叫「一日美人」，唔好以為所有金針花都食得，因為觀賞用的大部分都有毒性，所以千祈唔好亂摘，大家都要做個愛護環境的遊客啦！
