WOW，聽到「SEXY」、「酒店房」就令人想入非非，講緊嘅係一個酒店大獎，以酒店畀客人嘅浪漫程度去選出嚟㗎，換言之，最 SEXY 酒店房就係啱另一伴去渡假嘅意思啫！係囉，又會有一個咁嘅獎項咁得意嘅？
即刻話你知最 SEXY 酒店頭三甲喺邊間：
NO.3 印尼峇里 Nihiwatu
呢間 Marangga Villa 可盡情飽覽整個印尼松巴島對開大海景，再加上呢張附設公主簾嘅 king-size 觀景床，既有情調又可防蚊，正！
喺浴室正中間放置超巨大浴缸，外形好似一個大碗咁，兩個人一齊浸都好鬆動！將摺門推開就見到戶外淋浴間，增添戶外感亦好華麗！
再加上戶外淋浴間、私人泳池及私人小花園，睇相都已經覺得好舒服，難怪佢會得到第 3 名！
NO.2美國紐約 The NoMad Hotel
前身係美國電子公司 NCR 總部嘅 The Nomad Hotel 位處美國有名嘅百老匯街頭，那歌劇般嘅古典感份外強烈。
Atelier Room 房間內有 king-size 大床、桃花心木書桌、皮椅，仲有一道低調但華麗嘅間隔簾，空間不算大，感覺 cozy，房間仲有 claw-foot 浴缸，畀情侶們可以好放鬆地欣賞到美國街頭嘅熱鬧場面。
酒店其中一個大賣點就係佢地的圖書館，一場黎到，唔睇書都影張相呃下LIKE！
Pages: 1 2
