兩個轆去溫哥華-Okanagan四圍LOOK – Day 3

Share
車神

我係一個喜歡四處旅行,享受生活嘅香港人。酷愛大自然,喜愛美酒佳餚。興趣包括攝影、踩單車以及一切戶外活動。


睇電視就睇得多啦,但親身到薰衣草園參觀都係第一次。雖然錯過咗最燦爛嘅䦕花期,但我女友依然玩得同買得好開心。呢度差唔多同薰衣草可以扯上關係嘅嘢都有得賣,咁大個仔都冇諗過要食薰衣草雪糕,但人一世物一世,乜都要試吓,但食起嚟又OK喎。

lavender-field

 

lavender icecream

食咗雪糕當然要做番吓運動啦,所以下晝就沿著個 Okanagan 湖踩單車,沿途經過個沙灘同埋無數嘅海邊豪宅,真係大開眼界。

 

Abbott Street-1

 

Abbott Street-3

原來除咗陽光與海灘之外,呢條路上仲有幾間好有名嘅酒莊,咁當然就唔可以走寶啦。試吓試吓好快就過咗個下晝。飲咗酒後就當然唔可以醉踩啦,所以個個就乖乖地上番支援車,點知就出事囉。領隊哥哥見到我哋都應該有番d嘢落肚,所以就車咗我哋上山去間好正嘅農場,一落車就見到羊兒通山走,原來係間山羊奶製品專門店,佢哋除咗芝士之外最出名嘅就係雪糕。呢次慘囉,一日食兩輪雪糕,但係消耗嘅熱量又唔係咁多,不過出得嚟旅行就要括出去,鬼叫杯雪糕咁 creamy 咩,一於食咗再算,等聽日再减肥啦。

DSC_6424_Modified_Web

 

Carmelis-1

食咗咁多餐西餐都想轉換吓口味,所以聽到領隊話今晚有中餐食,心裏面真係又驚又喜。驚嘅係依我嘅經驗,喺d town 仔嘅中餐通常好難食,但既然叫得做美酒佳餚單車團,相信俾個胆佢都唔敢帶我哋去食 Chinese buffet 啩。結果真係喜出望外,原來大廚 Andrew 哥係由温哥華入嚟嘅過江龍,就係一味咕嚕肉就睇到佢嘅真功夫同埋對烹飪嘅認真。不單止個粉漿做得好薄、肉質鮮嫩之外,個甜酸醬仲係用山楂製成,唔係平時食開紅噹噹、杰撻撻嗰種,真係食到個個嘴舐舐。

Sweet-&-Sour-Pork_Modified_Web

 

2014-06-18 20.03.14

 

2014-06-18 20.14.36

留言區

則留言

立即上 www.iwanttotravel.cc查下機票價錢啦!
AXA安盛度身訂造「卓越」優遊樂旅遊保險,讓您在旅程中遇到意外時,能獲得周全保障。詳情